أثار مجدي عبد الغني، نجم الأهلي الأسبق، الجدل بتصريحات نارية عبر قناة “MBC مصر 2″، انتقد خلالها غياب الوضوح الإداري داخل النادي الأهلي، متسائلًا عن دور المدير الرياضي ومدير الكرة، كما فتح النار على اتحاد الكرة بسبب بند مالي خاص بعقد زيزو.
وقال عبد الغني: “هل الأهلي محتاج مدير كرة ولا محمد يوسف يقوم بالدورين؟ أنا بصراحة مش فاهم حاجة! محمد شوقي نفسه كان بيقول مش ممكن أكون مدير فني ومدير كرة، وأول ما الأهلي طلبه راح! ده كلام مش منطقي”.
وأضاف: “هو المدير الرياضي بيعمل إيه؟ لازم يكون فيه حد رابط أوضة اللبس، حد مسيطر، عشان لو الإدارة أخطأت في قرارات زي إعطاء لاعبين 100 مليون وناس تانية لا، يبقى فيه مدير كرة قوي يظبط الأوضاع جوه الفريق”.
وتطرق عبد الغني إلى ملف اتحاد الكرة قائلاً: “زيزو عقده داخل اتحاد الكرة 5 مليون جنيه! إزاي؟ مش فاهم! عشان ما يدفعش رسوم ولا ضرائب؟ دي حاجات لازم تتوضح”.
واختتم: “المنظومة محتاجة إعادة ضبط.. مش كل حاجة تتعمل وخلاص من غير ما الناس تفهم مين بيعمل إيه وليه”.
