انتقد الإعلامي الرياضي مدحت شلبي سياسة التعاقدات في الأندية المصرية، وعلى رأسها النادي الأهلي، مشيرًا إلى أن هناك أموالًا تُهدر على لاعبين لا يشاركون فعليًا، في ظل غياب واضح لمعايير التقييم الفني والاقتصادي.
وقال شلبي عبر قناة “MBC مصر 2” إن الأهلي قرر الاستغناء عن الثنائي عمر الساعي وأحمد رضا قبل بداية الموسم الجديد، رغم التعاقد معهما في وقت سابق مقابل مبالغ ضخمة، دون حصولهما على فرص لعب حقيقية.
وتابع: “عمر الساعي ملعبش 4 ساعات على بعض ومدفوع فيه مليون دولار! وأحمد رضا نفس الحكاية مكملش 3 ساعات لعب! يعني بنتكلم في 7 ساعات لعب مقابل ملايين راحت في الهوا”.
وأضاف بنبرة حادة: “يا جماعة الفلوس دي بتتصرف في الهوا.. وكلامي مش بس على الأهلي، أنا بتكلم على كل الأندية، بما فيها الزمالك. بتيجي صفقات كتير وما بتلعبش، ولازم يكون في ترشيد، مش كل موسم نشتري وبعدين نبيع من غير فايدة”.
واختتم حديثه برسالة واضحة: “الملف ده محتاج وقفة من الإدارات الفنية في الأندية.. الجمهور مش هيعدّي كل مرة نفس الغلطة”.
