وجه محمود عبد الرازق شيكابالا ، قائد نادي الزمالك المعتزل، رسالة قوية لجماهير القلعة البيضاء عبر قناة MBC مصر 2، طالبهم فيها بدعم مشروع النادي وعدم الهجوم على أبناء الزمالك.
شيكابالا قال: “من إمبارح وأنا بسمع (يغور ولاد النادي) والكلام ده غلط، احنا لازم نحترم أولاد النادي ونقدرهم، ومينفعش نمشي في السكة دي”.
وأضاف: “جون إدوارد عنده رؤية، الراجل بيشتغل ولازم نسانده ونستنى سنة ونقيم شغله.. مش كل غلطة نبدأ نهاجمه ونخلي الناس تتحفز ضده”.
واستكمل: “ليه نخسر كل ولاد الزمالك اللي بيظهروا في الإعلام؟ بلاش كده، لازم كلنا نقف ورا النادي.. وأنا شخصيًا بتمنى عبدالله السعيد يكون موجود في الزمالك، دوره هيكون مهم”.
واختتم رسالته قائلًا: “بلاش نمشي ورا ناس مش عايزانا ننجح.. الزمالك لازم يكون في الطريق الصح”.
