أثار نجم الزمالك السابق بشير التابعي جدلًا واسعًا بتصريحاته النارية عبر قناة MBC مصر، حيث انتقد سياسة تعاقدات القلعة البيضاء خلال الميركاتو الصيفي الحالي، مؤكدًا أن الفريق بحاجة ماسة للاعبين أصحاب خبرات كبيرة لانتشاله من وضعه الصعب.
وقال التابعي: “شوف الأهلي جايب صفقات إيه وبيراميدز عنده إيه، والزمالك رايح يجيب إيه؟ الفريق محتاج خبرات تشيل الناس دي. متستنوش حاجة من الصفقات الجديدة بالشكل ده، ولا حد أصلًا هيفكر يلعب للزمالك في الظروف الحالية”.
في المقابل، حاول محمد عبدالجليل الدفاع عن التعاقدات الجديدة، مبررًا: “جون إدوارد كان في فاركو، فكان متابع اللعيبة هناك بشكل كويس”.
لكن التابعي رد ساخرًا: “مع احترامي، فاركو نفسه بقاله كام سنة بينافس على الهبوط، والزمالك دلوقتي مفيهوش لاعب يقدر يشيل الفريق لوحده”.
هنا تدخل عبد الواحد السيد للدفاع عن الفريق، قائلًا: “أنت نفسك يا بشير لما جيت الزمالك مكنش حد عارفك، ومع ذلك صنعت اسمك وسط الكبار”.
ورد التابعي مؤكدًا: “أنا جيت على لاعيبة منتخب مصر، زي مدحت عبد الهادي وسامي الشيشيني، كانوا أسماء تشيلك وتدخلك الفريق”.
واختتم الحوار الساخن بإصرار التابعي على رأيه، رافضًا فكرة قدرة اللاعبين الحاليين على حمل الزمالك للمنافسة على البطولات في الموسم الجديد.
