وجه وسام أبو علي مهاجم الفريق الأول لكرة القدم بالنادي الأهلي رسالة اعتذار إلى جماهير الأحمر ومحمود الخطيب رئيس مجلس الإدارة.
واقترب الفلسطيني وسام أبوعلي من الرحيل عن النادي القلعة الحمراء في فترة الانتقالات الصيفية الجارية، للدوري الأمريكي من بوابة نادي كولمبوس.
وقال وسام أبوعلي في الفيديو الذي بثه موقع الأهلي الرسمي: «أنا جاي اعتذر للخطيب ولإدارة النادي وجماهير النادي، عن التصرفات الغلط والحاجات الللي حصلت مني، وللاعيبة الأهلي لأني عملت حاجات مش كويسة كلاعب أهلي ودي حاجة ممنوعة».
وتابع: “عاوز الناس تسامحني على الحاجات اللي أنا علمتها”.
وأكمل: “مش عايز غير حب، بقالي فترة في ضغوط أسرية وتصرفت بأمور أنا مش بوافق عليها، النادي الأهلي اللي قدملي أحلى سنة ونصف في حياتي وأحلى أيام في حياتي، الإحساس ده خلاني أكون في مصر وأهلي معي، عايز الناس تسامحني مكنتش عارف أتصرف إزاي، ده الكلام الحقيقي”.
وعن بيان الاتحاد الفلسطيني ضد الأهلي، قال أبو علي “أنا هنا أهو وعاوز أقول الكلام الحقيقي، أي بيانات صدرت أو أي حد اتكلم في موقف وسام مع الأهلي، فأنا مش مع الناس دي، أنا فرحان إني قضيت أحلى فترة في حياتي داخل الأهلي. أي حد يستخدم اسم وسام أنا مش موافق على الكلام ده، أي حد هيتكلم كلام مش كويس على الأهلي وجمهوره، أنا مش معاه ومش موافق عليه”.
وكان الاتحاد الفلسطيني لكرة القدم، قد أصدر بيانًا رسميًا، طالب فيه اتحاد الكرة المصري، بحماية وسام أبوعلى، مهاجم الأهلي، بسبب الحملات الممنهجة ضده، مؤخرًا، على خلفية أزمته الخاصة بالرحيل عن القلعة الحمراء.
