شن أحمد شوبير، حارس مرمى النادي الأهلي ومنتخب مصر هجوماً حاداً علي حارس مرمى نادي الزمالك محمد صبحي، بعد الرسالة التي كتبها عبر حساباته على مواقع التواصل الاجتماعي، خلال الساعات الماضية.
وقال شوبير:” بالأمس محمد صبحي كتب حاجات كده غريبة على حسابه الشخصي على مواقع التواصل الاجتماعي، والحقيقة عاوز أقول له يا عم أنت حارس موهوب، لكن شاغل دماغك بحاجات ملهاش لازمة، أنت مدخل دماغك في حاجات وبترد على ده، ومش عارف ده عمل ومش عارف إيه، أنا عارف هو موجه رسالته لمين ولا ليها لازمة خالص.
واضاف شوبير في تصريحات عبر برنامجه الإذاعي:” ركز يا صبحي، عندك موسم هيبدأ مع الزمالك ولو هتروح المنتخب ركز، ده صبحي ده يا جماعة لعب كأس الأمم الأفريقية اللي قبل اللي فاتت لما إتصاب الشناوي وأبوجبل ونزل هو قدام المغرب
وأشار:” بني فيه إيه؟ أنت من 4 سنين كنت حارس منتخب مصر، أنت ليه بتضيع على نفسك كل الفرص الجميلة والحلوة دي؟، ربنا مديك موهبة، هما الكلمتين دول وجعينك قوي، ما تسكت لما تكتب، اكتب دعاء أكتب دعاء شكر اكتب كلمتين حلوين، إنما كل واحد زعلان من حد هيكتب مش عارف الكلمتين دول لازمتهم إيه ولا هيقدم ولا هيأخر، بالعكس هيأخر دي نصيحة يعني».
وأتم:” محمد صبحي موهبة كبيرة سواء في نادي الزمالك أو منتخب مصر، لذلك أتمني يركز في تدريباته فقط ويحاول يطور من نفسه شوية.
وأختتم شوبير تصريحاته قائلاً:” لو كل لاعب أو حارس ركز في تطوير نفسه عن طريق التدريبات والابتعاد عن السوشيال ميديا، هنلاقي مواهب كتير في الدوري المصري.
