نوران عبد الله
رسالة واقعية من زوجة (خليجية)حزينة مهمومه رفضت ذكر اسمها وأرادت نزول المقال باسم مستعار.
مين بيعطيني فلوس !!!
مين زعلان على زعلى !!
مين خايف علي من المرض !!!
أنا ماعاد اعاتب ولاألوم
لأني صرت أعرف إن القرار مو بايدك لوحدك
اللي بينا من عشرة ما كانت مجرد زواج كانت حياة وتفاصيل كثيرة وضحكة وألم وصبر كبير منك ومني لكن من زمان صرت مو موجود في حياتي ..لا كزوج ولا كاخ ولا سند
فقط علاقة مؤذية بمعنى الكلمة علاقة ذبحتني
موزعلانه ع نفسي زعلانه عليك
لأنك رجل محبوس عشان خوفك من …..ع حساب ظلم زوجتك وعيالك
أنا ما رح أكون حرب إضافية في حياتك ولا راح أنافس أحد على قلبك أو قراراتك ع شخص لايستحق
بس ودي تعرف إن في وقت من الأوقات كنت مستعدة أمشي العمر كله جنبك بس كنت ضدي مع الظروف و بعيد و مو ساكت استمتعت بكل الم وكل دمعة نزلت مني
اللي بينا كان له قيمة عندي وحاليا انتهى.
لأني قدمت فيه نفسي وحبي وكرامتي وكل شيء أقدر عليه.
حتى اهلي ووقفتهم معاك ومحبتهم لك كانت صدمة لهم..
ولو جاء اليوم اللي رجعت فيه لنفسك، وسمعت صوت قلبك بدال صوت الناس الي خربت بيتك عشانهم وسعيدين بهالانجاز..
ماراح يمر على رب العالمين مرور الكرام ووالله راح يجي اليوم الي تبكي فيه اضعاف الي بكيته وكذلك الي كان السبب في التحريض في كل امور حياتنا وكل قشة في بيتي
مو انتقام عدل من رب العالمين
وان قررت تعيش لنفسك مو لرضا غيرك
ماراح تلقاني
قلت لها لك بيوم الي صبرت عليك على فقرك ووقفت معاك ،مو نفس الي تجي ع الجاهز
عمرك ماراح تعترف لانك (نرجسي )
بس على الأقل بتكون صادق مع نفسك
بدال لاتطلع زوجتك من بيتها بالهطريقة مع اولادها
نفس مااخذتني اول ماتزوجنا تتصرف تصرف رجال
وتروح تدور بنفسك وتفرجني اذا يناسبني او لا
ولكن عار عليك كل المواقف الي صارت
وكل طلب اطلبه لي ولا لعيالي من احتياجات تعارضني فيه
ومع ذلك النفقة الي اخذتها
عشان تعرف دورك وبرضو قصرت في باقي المصاريف
انا شايلة كل شي براتبي اكل وشرب ولبس وطلعاتهم ومصروف وفواتيرهم وانترنت ومستشفيات وشايلة نفسي
شي مخجل عموما
الوقت كفيل تعرف قيمة الزوجة العظيمة الي خسرتها
واشكرك علمتني اعيش لوحدي واواجه كل شي لوحدي وابدأ من جديد
ولاتفكر تعاقب ام باولادها او تاخذهم مني راح تخسر
انا حملت وولدت وربيت وسهرت ع مرضهم وصرفت عليهم
انا قمت بدور الرجل والمراة
وماراح انسى حتى ولاداتي الي تعذبت وتبهذلت فيهم ولاعطيتني قيمة
وانت تتفرج
وبدون ذكر الحروب الاهلية الي صارت علي بعد ولاداتي
بدال مانفرح بهاللحظة
وارجع اكرر انت تخليت عني بكل لحظة احتجتك فيها
وماتوجهت للمحكمة الا لانك كنت قاعد تدوس ع زوجتك وعيالك وانا كنت انتفض من الخوف وعدم الامان وابغى اتمسك بقشة
وبلحق امي الي بتودع رحمة الله عليها
احب اقولك كانت قلقانة عليا منك وع مستقبلي
وراحت وهيا تحاتيني للاسف
وكلامك عن شغلي هذا دليل صرحت فيه بنفسك انك ماتحملت نجاحي وتوسعي بدونك
عموما الارزاق من رب العالمين والتوافيق
والحياة الزوجية مو بس اكل وشرب احنا مو حيوانات
ووقف ترسل شي لان مليون مرة قلت لك انت تسبب لي اذى نفسي
والله العالم بكل شي امر فيه وربي معاي باذن الله
ويوم الحساب بتعرف شكثر ظلمت زوجتك وعيالك وتخجل من نفسك..
للحديث بقية….
