قال أحمد شوبير، حارس مرمى النادي الأهلي ومنتخب مصر السابق، أن تسوية اتحاد الكرة لجزء من مديونيات نادي الزمالك يجب ألا تُفهم على أنها استثناء أو تساهل، مشددًا على ضرورة تطبيق العدالة على جميع الأندية دون تفرقة.
أضاف شوبير في تصريحات إذاعية عبر برنامجه:” اتحاد الكرة أعلن إنه تم التوصل لتسوية مع الزمالك بخصوص جزء كبير من مديونياته القديمة، مع وضع جدول زمني لسداد الباقي… لكن خلوني أتكلم بصراحة، مش عن الزمالك بس، عن كل أندية مصر واتحاد الكرة نفسه”.
وأشار:” الموضوع بقى مجاملات، حبايب بيكلموا حبايب، ابعتلي شيك ومش مهم تسدد، طيب وباقي الأندية؟ اللي بيدفعوا كل حاجة في ميعادها؟ فين النظام
وأوضح:” أن الموضوع مش مسألة شعبية نادي أو جماهيريته، أو تاريخه أو بطولاته، لذلك يجب علي اتحاد الكرة وضع كل الأندية في كافة واحدة دون مجاملات.
وأتم:” الأندية الغلابة بتدفع بالعافية، واللي عنده جماهير بيستند عليهم، لأ، لازم الكل يلتزم، مفيش حاجة اسمها أصلك غني أو فقير، دي مستحقات لاتحاد بيصرف على الكرة المصرية كلها”.
وأختتم شوبير تصريحاته قائلاً:” الفرصة دلوقتي إن اتحاد الكرة يحط نظام واضح، وينهي كل المشاكل دي، علشان الأمور تبقى فير وعادلة.. اللي مش هيدفع، مايلعبش
