تصدر اسم الفنانة آيتن عامر التريند الساعات الماضية بعد أن نشرت صورًا مؤثرة جمعتها بوالدها الراحل، مرفقة برسالة عاطفية عبر حسابها الرسمي.
رسالة آيتن عامر لوالدها الراحل
شارك عدد من الفنانين في ترند تركيب الصور بالذكاء الاصطناعي، بعدد من الصور عبر حساباتهم على السوشيال ميديا ومن ضمن الفنانين المشاركين في الترند كانت أيتن عامر حيث نشرت صورة لها برفقة والدها الراحل وكتبت أيتن عامر عبر حسابها على فيسبوك: “وحشتنى اوى اوى اوى وحقيقي محتاجالك، ومشبعتش منك، وجوايا وجع كبير، بس مش هقولك غير كلمة واحدة: اطمن… بنتك قدها.”
الدنيا مش حلوة يا بابا ولا الناس كمان، كل مرة بتحط فى اختبار صعب أو أزمة مفيش حد بيجى فى دماغى غيرك، اول واحد بيبقى نفسى اجرى عليه واقوله الحقنى بيبقى انت، وجودك كان هيفرق اوى اوى، يمكن عمرى ما قولت ان غيابك مسبب لي أزمة كبيرة ولا قولت اللى جوايا، بس هييجى يوم وابقى قوية كفاية انى أواجه وجع قلبي واطلع كل الكلام اللى جوايا ومقولهوش”.
تابعت:”زعلانة منك في حاجات، ومفتقداك في حاجات أكتر بكتير، ومتاكدة إنك لو كنت موجود كنت هتبقى السند، لكن غيابك خلاني أكون سند لنفسي وللي حواليا، لأن فيا منك كتير، خصوصًا قوتك وجدعنتك، بس أنا تعبت من كتر القوة وزهقت…”
وأضافت أنها لم تعد ترغب في الحروب أو المشكلات، وأنها لن تبرر أو تدافع عن نفسها بعد الآن، تاركة الحكم للآخرين كما يشاؤون.
واستطردت مؤكدة أنها ستظل “بميت راجل”، وأنها مهما قست عليها الحياة ستبقى واقفة ورأسها مرفوعة، قائلة:
“يمكن تاخذ استراحة محارب، بس دايمًا هتكون جاهزة لأي حاجة، ومش هيكون في احتمال للخسارة.”
آيتن عامر ووالدها
تفاعل الجمهور مع رسالة آيتن عامر
لاقى منشور آيتن عامر تفاعلًا واسعًا عبر منصات التواصل الاجتماعي، حيث انهالت التعليقات من جمهورها وزملائها الفنانين، معبرين عن دعمهم لها، مؤكدين أن كلماتها تحمل صدقًا شديدًا ومشاعر إنسانية عميقة.
البعض أشاد بشجاعتها في التعبير عن الألم والاشتياق، بينما أبدى آخرون إعجابهم بقدرتها على الجمع بين الحزن والقوة في رسالتها. وانتشرت صورها مع والدها على نطاق واسع، ما ساعد في تصدر اسمها التريند لساعات طويلة.
