كشف إكرامي حارس مرمى النادي الأهلي ومنتخب مصر السابق، حقيقة رحيل رمضان صبحي لاعب الفريق الأول لكرة القدم بنادي بيراميدز عن الرحيل خلال فترة الانتقالات الشتوية المقبلة.
وقال :” الكلام اللي بيقال عن رمضان صبحي غلط، هل يعقل أن نادي بيراميدز يستغني عن رمضان والنادي سفره للعلاج في ألمانيا، كمان إزاي بيراميدز هيقرر رحيل رمضان بعدما جددله 3 سنوات.
وأضاف إكرامي في تصريحات تلفزيونية:” لما لاعب يكلم على الكابتن بتاعه اللي كان بيحط عليه وميقدرش يفتح بوقه وهو موجود، لما يطلع يكلم عليه بالأسلوب ده يبقي عيب قوي، وهو أصلا مش عاوز أقول عليه لعيب قليل.. بس بقوله خليك في نفسك.
وأشار:” أن رمضان صبحي يعاني من إصابة على مستوى الركبة ويخضع لعلاج مكثف من أجل العودة سريعاً إلى المشاركة في المباريات المقبلة لنادي بيراميدز سواء المحلية أو الإفريقية.
وأتم:” ان الإصابات التي تعرض لها رمضان صبحي مع فريق بيراميدز أثرت علي مستواه كثيراً، عكس مستواه مع الأهلي منذ صعوده إلى الفريق.
وأختتم إكرامي تصريحاته قائلاً:” مش معقول يكون نادي بيراميدز عاوز حسام عبد المجيد قصاد رمضان صبحي يروح الزمالك، هو فيه فلوس في نادي الزمالك في الوقت الحالي
