نشر طبيب القلب الشهير جمال شعبان على صفحته بالفيسبوك نصيحة لمحبيه بعد معرفته بوفاة نجم الكرة محمد صبري .. قال د. جمال :
وجع الكتف الشمال ممكن يكون من القلب
المرحوم محمد صبري اشتكي من وجع في الكتف الشمال قبل رحيله بيومين حسب رواية صديقه طارق السيد
لازم نهتم بوجع الصدر .. وخاصة اللي بيسمع في حتة تانية
زي الكتف الشمال
او الزور أو الضهر أو الفك السفلي أو حتي فم المعدة epigastric pain
وبالذات لو مصحوب بعرق أو غممان نفس وبيزيد مع المجهود
لأن دا ممكن يكون بسبب ضيق في الشرايين التاجية
ناس هتقول العمر واحد والرب واحد ولا يغني حذر من قدر
دا صحيح بس احنا مكلفون بالأخذ بالأسباب
اللهم متعنا بأسماعنا وأبصارنا وقوتنا ما أحييتنا واجعلها الوارث منا
