آدم محمد صبري يكشف كواليس الساعات الأخيرة في عمر والده.. ويصرح: “لم أتوقع أن يحضر أحدًا من الأهلي عزاء والدي”!
كشف آدم، نجل الراحل محمد صبري، جانبًا من ذكرياته الأخيرة مع والده، وتحدث عن آخر اللحظات التي جمعته به قبل وفاته، مؤكدًا القيم التي تركها له ولأخوته وكيفية تأثيره في حياتهم وحبهم لكرة القدم.
وقال آدم نجل الراحل محمد صبري عبر برنامج “اللعيب” على قناة “إم بي سي مصر”: “بابا كان دائما يتكلم معانا إننا لازم نعتمد على نفسنا ونكون رجاله وهو فعلا سايب رجاله وراه”.
وتابع: “يومها الصبح ده اخر مرة اشوفه فيها .. كان رايح يوديني التمرين في السكة الحديد يوم الخميس وقلي ركز في تمرينك، كلمنا قبل الحادثة بعشر دقائق .. الساعه واحدة ونصف تقريبا وقالنا إنه تعبان ودي كانت أول مرة يطلب يروح مستشفى”.
وأضاف: “حتى لو كان في حاجه كان بيفضل ياخد أدوية وخلاص، لانه دائما كان بيرفض يروح مستشفيات أو دكاترة.. دي اول مرة يطلب فيها يروح المستشفى وقالنا المرة دي شكلها مش هتعدي”.
وأشار: “صعب حد فينا يطلع أهلاوي.. مكنش هيخش البيت .. مش كره في الأهلي.. لكنه حبا في الزمالك، إحنا اتعلمنا حب الزمالك منه واتولدنا بيه، عايز اشكر كل الناس اللي جت العزاء من النادي الأهلي لاني مكنتش متوقع حد يجي”.
وواصل: “مش كلهم زمايل ليه.. فكانت حاجة حلوة اننا نشوف حب الناس لبابا.
