ناشطة على السوشيال ميديا تزعم زواجها سرًا من حارس الأهلي واللاعب يرد

زعمت رنا أحمد، إحدى الناشطات على مواقع التواصل الاجتماعي “السوشيال ميديا”، زواجها السري من محمد الشناوي حارس مرمى النادي الأهلي.

وكتبت رنا أحمد عبر صفحتها علي موقع التواصل الاجتماعي إنستجرام خلال خاصية الاستوري:”أنا سكت فترة طويلة احترامًا لنفسي لكن كفاية لحد كده، مع إني كنت بشوف كومنتات سلبية وناس بتهاجمني”. 

وأضافت “قررت أتكلم وأوضح الحقيقة اللي حصل بيني وبين محمد الشناوي، ما كانش مجرد تعارف أو كلام عادي، الموضوع وصل لارتباط وجواز بشكل سري، وعمر صاحبه كان شاهد على كل حاجة وشاهد على جوازنا وشاهد عليا وسامعني”.

وتابعت :” أنا وافقت على الكلام ده لأني صدقته لما قاللي وأكدلي إنه بعد فترة من جوازنا هو هيعلن عني ،بعد فترة الأمور اتغيرت وبدأ يحصل ضغط عليا علشان أفضل ساكتة وما أتكلمش”.

وأكملت :”ولما قلت إني ممكن أكشف الحقيقة تم تهديدي إنهم هيرفعوا عليا قضية تشهير، وبعد ما شافوا إني مصممة على قراري بعت ليا شخص اسمه كريم رزق مدير السوشيال ميديا السابق في النادي الأهلي وصاحبه عمومًا، وعرض عليا فلوس مقابل إني أسكت وما أتكلمش”.

وأضافا :” أنا محتفظة بكل الرسائل والفيديوهات من إنستجرام وواتساب اللي تثبت كلامي ده وهتنزلها كلها، وأنا ما بقولش الكلام ده علشان أعمل مشاكل أو ألفت الانتباه، لكن علشان أوضح الحقيقة وأدافع عن نفسي بعد كل اللي حصل. ولو اضطر الأمر هعرض كل الأدلة بالطريق القانوني علشان حقي يظهر قدام الناس”.

واختتمت: “وأنا كلمت المحامي بتاعي وهنرفع قضية والإجراءات بتتم وهاخد كل حقوقي، وأنا عندي استعداد أفضح وأنزل كل حاجة تخصه، وساخته بس من ستر ستر عبدًا ستره الله يوم القيامة وأنا هكتفي بالاستوري دي”.

حذف الاستوري من جانب رنا أحمد:-

قامت البلوجر رنا أحمد بحذف “الاستوري” الخاصة التي تحدثت فيها عن تفاصيل علاقتها بمحمد الشناوي حارس مرمى النادي الأهلي ومنتخب مصر، وذلك بعد دقائق من اثارة الجدل على مواقع التواصل الاجتماعي.

رد الشناوي على حقيقة زواجه من بلوجر:-

كشفت مصادر مقربة من حارس مرمى الأهلي حقيقة ما تم تداوله خلال الساعات الماضية بشأن زواجه سرًا من فتاة تُدعى رنا أحمد حيث أكد أن كل ما أثير حول هذا الأمر غير صحيح.

وقرر اللاعب اتخاذ كافة الإجراءات القانونية اللازمة لحفظ حقوقه والرد على هذه الادعاءات مؤكداً أن التحرك القانوني سيبدأ رسميًا خلال الساعات القليلة المقبلة ضد الفتاة التي نشرت هذه المزاعم.