أعلن رئيس مجلس إدارة نادي الزمالك المستشار مرتضى منصور عن ضم بديل إمام عاشور لاعب الزمالك والذي يقترب من الإحتراف لنادي ميتلاند الدنماركي.
وقال مرتضى منصور في مداخله هاتفيه ببرنامج زملكاوي عبر قناة الزمالك: “خلصنا صفقة تانيه زي امام عاشور بالظبط، هنعلنها الصبح، هو لاعب مميزجدا”.
وأضاف:” امام جابته تاني النهارده وبحاول اقنعه ومعايا من5ساعات، وكنت بادي اخر فرصه ومحدش بيمشيني لوقعد غصب عنه مش هيأدي، وقاعد جانبي اهو والعيال الي بتقل ادب و تقول النادي انهار، منهارش ليه لما مشي بن شرقي وساسي وحماده امام والنادي منهارش”.
وتابع مرتضى: “العقد قدامي اهو ولسه موقعتوش، انا مش هقعد لاعب غصب عنه وعلشان الجماهير المحترمه وتقول يا سيادة المستشار مش تقل ادبها علي وعلى ابني امير مقدم الشرطه، في ناس محترمه بتقول رايها بنحترمه، احنا مش شغالين عند حد جبت بطولات وقناة الزمالك اللي عملها مرتضى، القناة المأجوره اقل واحد بيظهر فيها مدير تحرير”.
وأردف:” بعلن هعمل انتخابات رئاسبه مبكره لوكسبتوا ياعصابه هقول انتم لكم شعبيه، رؤوف جاسر طلع من الترب وايام مجلس ممدوح عباس جه يكلم هنري ميشيل قاله انت مين وراح قال لممدوح عباس وضربه على راسه واخده عمرو الجنايني يبوس راس عباس”.
وأوضح: “اللي بيقول موثقتش عقد امام عاشور اللي عمله حسين لبيب ليه؟، مدة التوثيق بـ15 او30 يوم جيت بعد العقد بـ6 شهور، انا حولت حسين لبيب للتحقيق علشان الاكاذيب اللي بيقولها”.
وأكمل:” هعمل موسم سيدي العريان لو عملت انتخابات وخسروا، هعمل الانتخابات ولو سقطتوا هتبقوا هاتريك، شغل اللجان معروف لان اللي بيجيلي منشتايم وقلة ادب وبيروح لاسماعيل يوسف واميرمرتضى”.
وإستطرد مرتضى:” امام عقده اهو ومتوقع مع امام عندي بمليارات، ورافض امضيه وبحاول اقنعه وهاني شاكر كلمه، اعمل ايه بقى وامام قاعد كأنه مقبوض عليه بنحاول والخيره فيما اختاره الله وجابنا لاعب علشان لوصمم انه يمشي وخلصناه ولاعب محترم جدا”.
وإختتم:” عيب اللي بيقول الفلوس، النادي فيه فلوس انا لسه ماجر محلات النهارده، وكل اللعيبه هتاخذ مستحقاتها يوم الاحد”.
