شن مرتضي منصور ، رئيس الزمالك السابق، هجوماً على مجلس إدارة الفارس الأبيض برئاسة حسين لبيب، بسبب اوضاع النادي
وقال منصور في بث مباشر من مكتبه: “قرفني كل شويه عند عبدالجواد وكتكوت، وانا ابن المندوة مش دعيتكم تيجوا طلعتوا جبنات وتافهيين وكدابين، واللي هيجيب سيرتي انا وولادي هياخد بالجزمة، من سنه ونص النادي ادمر”.
وأستانف:” بيبعوا ملابس داخليه جوه النادي، ده نادي الزمالك بلاش قرف، عملنا اتفاق مع شركة تصميمات المهندس اللي عمل ستاد السلام واخد فلوسه كلها، عملنا جس تربة عن طريق كلية الهندسة بجامعة القاهرة
وزاد مرتضى:” اخدوا قرض بضمان الارض، يخربيتكم فين وزير الرياضة، مليارات بتهدر ومحدش بيكلم، محدش دفع للنادي جنيه لامدحت العدل ولاجنايني”.
وتابع:” هوضح كل القضايا واولهم خالد بوطيب، بوطيب كان نجم منتخب المغرب في كأس العالم وقمنا بالتعاقد معه وكان الجميع سعيد بالصفقة وقتها، واللعب تعرض للإصابة وطلب أن يتم علاجه في فرنسا”..
وشدد منصور: “وافقنا على سفر خالد بوطيب إلى فرنسا ولكن تهرب قبل ميعاد العملية والدكتور محمد اسامة عندك يالبيب اسأله، وكان لبوطيب شهرين تم وضعهم في حسابه وبعدما تغيب وتهرب من النادي قمنا بفسخ تعاقده، وأبلغت حسين لبيب بكل شيء وارسلت له تسجيل صوتي بان بوطيب بيتكلم عربي وليس كما ادعى انه لايتحدث سوي الفرنسية لكن لييب ضيع حق الزمالك”.
وأشار:” مش عاوز أنزل انتخابات نادي الزمالك تاني وأنا بينت النادي طوبة طوبة من 2014 وأصبح نادي عالمي، ولا أريد الترشح في الانتخابات من جديد وحسين لبيب دمر نادي الزمالك في الفترة الأخيرة”.
وواصل:” أقسم بالله العظيم اقسم بالله العظيم ليس لي علاقة من قريب أو بعيد او حرضت اوساعدت بما حدث لجماهير نادي الزمالك في الدفاع الجوي، واللي هيتهمني تاني هحبسه، وأنا مؤلف كتاب في القانون وأنا عندي 24 سنة”.
واختتم: “حسين لبيب ضيع على نادي الزمالك 300 مليون جنية وبيكذب على جماهير نادي الزمالك، ولبيب تواجد في نادي الزمالك 3 مرات في آخر 50 سنة هو وهاني برزي ابن اليونانيه وعمرو الجنايني”.
