في مداخلة تلفزيونية عبر قناة “دي إم سي”، علّق أيمن يونس، نجم الزمالك السابق، على الجدل الدائر مؤخرًا بشأن غياب أبناء النادي عن المنظومة الكروية الجديدة، موجهًا في الوقت ذاته رسالة دعم واضحة للمدير الرياضي الحالي جون إدوارد، مؤكدًا أنه مكسب كبير لنادي الزمالك.
وقال يونس: “جون إدوارد بالنسبة لي مكسب حقيقي، شاب ذكي، علاقاته ممتازة، وبيشتغل في منصب محدش اشتغله قبل كده في الزمالك، وأنا شايفه مناسب جدًا”.
لكن المفاجأة، بحسب يونس، جاءت بعدم اختيار أي رمز من رموز الزمالك لمنصب مدير الكرة، وهو ما وصفه بـ”الصدمة”، قائلًا: “ده مكان حساس جدًا.. هو الصندوق الأسود لفرقة الكورة، الرابط بين اللاعبين، المدير الفني، ومجلس الإدارة”.
وأضاف: “ولاد النادي مؤخرًا ماقدموش الشكل اللي يليق بالمكان ده، لكن المنصب ده قعد عليه أساطير زي حمادة إمام ورفعت وآخرين، منقدرش نعدي كده ونقول مفيش حد من ولاد النادي يليق بالمنصب”.
وتابع: “أنا مش ضد عبد الناصر محمد، هو راجل محترم، لكن كنت أتمنى نشوف رمز زملكاوي في المنصب ده. إحنا كرياضيين بنتكلم قبل الاختيار، لكن بعد ما المنظومة تتشكل، بنقف وراها وندعمها”.
واختتم أيمن يونس تصريحاته قائلًا: “الكلمة اللي اتقالت على لسان جمال عبد الحميد، طارق يحيى، جمال حمزة، وحازم إمام، كلها نابعة من حرصهم، مش هجوم. إحنا بس بنحاول نحافظ على شخصية نادي الزمالك”.
