أوضح هاني عبد الغفار، عم أطفال المنوفية، إن المتهم قام بخنقهم باستخدام إيشارب، معلقا: «أيوة شنقهم بإيشارب، وواحدة من اللي في الشارع قالت ده آخر واحد كانوا ماشيين معاه، الواد لما سمع الكلام ده طلع جري، والناس جريت وراه ومسكتوه».
كيف نفذ قاتل أطفال المنوفية جريمته؟
وأشار هاني عبد الغفار خلال مداخلة هاتفية ببرنامج تفاصيل المذاع على قناة صدى البلد 2 تقديم نهال طايل قائلًا: «المباحث كانت خدت خبر وجت قبضت عليه، وفي الوقت ده كانوا لقوا الولاد ناحية أرض زراعية بعيدة شوية، في سكة محدش بيروحها كتير، وده اللي حصل بالظبط».
وشدد عم الأطفال : «الأولاد بيخرجوا في البلد لودهم، وإحنا غير المدن، والموضوع بسيط، العيال عارفين مكانهم وبيروحوا وييجوا في أمان، ده الطبيعي عندنا، ومالهمش مع أي حد مشكلة، الولد ده مالوش أهل ولا حد، ووالده مش موجود، ارتكب الفعل ده إزاي الله أعلم».
واختتم قائلا: القاتل في نفس سن والد العيال تقريبًا، وما كانش فيه أي شك خالص، كان مصاحبهم أوي، بيروح وييجي عندهم في البيت، وبيعاملوه زي ابنهم، وكان بيروح معاهم الغيط والأرض».
