نصائح د. سها عيد خبيرة طاقة المكان الفينج_شوي
- اللوحات الوردية تبث الطاقة الإيجابية على الجدران .
- كتير مننا بيعاني من انة لما بيشتري حاجة بتبوظ بسرعة ، او لما بيختار حاجة اختيارة بيكون مش كويس وبيضطر يرجعها ، او ان الزرع عندة بيموت بسرعة ، او يروح محل ينقي جهاز كهرباء للبيت هوة وأصحابة يشترو نفس الشيء يرجع البيت يلاقي الجهاز الي اشتراه هوة الي خربان …واجهزة أصدقاءة الي اشتروها من نفس المحل شغالة وزي الفل ، اما جهازة الكهربائي الوحيد الي اختارة طلع خربان ، دة معناة اية …؟؟
- عارفين معناة اية معناة ان ايدك محتاجة شوية بركة … محتاجة شوية منفعة شوية خير شوية ايجابية …محتاجة تعودى ايدك تصلح مش تخرب …محتاج ايدك تدخل لمكان تشوف حاجة بايظة تصلحها و تشغلها ..تشوف حاجة مكسورة تصلحها وتعيدها للحياة ،
- ايدك محتاجة لما تدخل حمام تقفل الحنفية الي بتنقط او تصلحها ..محتاجة متهدرش وتخلص ورق التواليت الكتير الموجود في الحمامات العمومية تاخد على قدك وبس …محتاج ايدك تبقى موفرة مش مهدرة لحاجات الغير ،
- محتاج تشوف حاجة مش نظيفة تنظفها ، محتاجة تمسك ترابيزة مكسورة تصلحها بمسمارين ، محتاج تشوف زجاج مكسور على طاولة تشيلة وتشتري غيرة ،
- محتاجة تشوف حمام مش نظيف تنظفة بعد ما تطلع منة …محتاج ايدك تلم وتضم وتهتم وتصلح وتبقى نافعة سواء حاجتك او حاجة غيرك او اي حاجة حواليك …
- شفت حنفية مفتوحة أقفلها شفت حاجة مش معمولة مظبوط صلحها شفت حاجة ممكن تقع عند غيرك أعدلها …..
- كل شيء في الكون الي حواليك بيسبح بحمدة من اول الكرسي والدولاب و الترابيزة …الى الجبل الأصم للشمس والتربة في الارض فكل شيء لة مجال وترددات معينة في الحياة ، اي شيء حواليك ليس اصم محتاج يشعر انك موجود وتبعث فية الحياة ….
- علشان الحاجات الحلوة تحب تنجذب الى إيدك وتيجي لعندك …ايدك محتاجة اعمال نافعة كتير ، انت محتاج تشحنها بالإيجابيات واعمال الخير المفيدة … علشان تجذب الخير والفلوس و البركة باستمرار …
– ابدأ من دلوقتي صلح اي شيء حواليك خاف على الشيء الي في ايدك علشان يخاف عليك اهتم وراعي و ابعث في الجماد الي حواليك طاقة الحياة … حيحب الحياة معاك ويفرح ومش حيعطل ابدا آلا بعد عمرا طويل …..
