بيوتنا القديمة حد يقوللي راحت فين.
مش بحيطانها ولا بيبانها ولا بالطين.
بيوتنا بأهلنا وناسنا الطيبين.
لما الجار يخش الدار ولا حد يقوله رايح فين.
يفتح حلة العيش ويمد أيده ياخد رغيفين.
ناوليني يا أم محمد من السكر حبتين.
ادخلي أنتي مش غريبة خدي يا أم حسين.
كنا ننام والباب مفتوح وكنا مطمنين.
لا كالون ولا قفل كمبيوتر هما رزتين.
بيوتنا القديمة حد يقوللي راحت فين.
كان الخير مالي الدار ولا نعرف منين.
جاري بيحلب الجاموسة اروح اخد رتلين.
جاي من الغيط والخضره في أيده يشوحلي سجرتين.
كانت بسيطة وسهله ياريتها دامت يا مسلمين.
دلوقتي يا اخواتي الدوار بقي دور واتنين.
واخوات بقينا جيران مع بعض عايشين.
نتلخبط في اسامي العيال ولا عارفين.
إن كان أحمد الكبير وللا محمدين.
اخلاق بيوتنا القديمه راحت فين.
حد يرد علي ياموحدين.
مقالات ذات صلة
