كشفت الإعلامية لمياء فهمي عبدالحميد، عن تعرضها لحادث انقلاب بسيارتها، قائلة: “شوفت الموت بعنيا ولحظة الموت جايه جايه وإحنا موجودين في الدنيا ضيوف، هي مرحلة انتقالية، بنعيش فيها بقواعد معينة عشان تساعدنا للانتقال للحياة الأخرى وهي حياتنا الأبدية”.
وقالت عبدالحميد، خلال تقديمها برنامج “وبكره أحلى” عبر فضائية “النهار”، “إمبارح وأنا ماشية بعربيتي في الشارع، انعطفت بسرعة وكنت ممكن أنقلب بعربيتي، خاصة أن السيناريو ده حصلي قبل كده وعربيتي انقلبت بيا وشوفت لحظة الموت بعنيا”.
وتابعت: “قولت لنفسي لحظة الموت جايه جايه، ويمكن لو مكنتش سيطرت على العربية، كنت هتقلب بالعربية وأموت ، طيب ما هو الموت جاي جاي، ودي الحقيقة اللي في حياتنا اللي مفيش مفر منها”.
