بقلم : داليا شعبان
بصيت لنفسى ف المرايا
حسيت أني مش أنا
فجأه بنظر لسني
كبرت الف سنه
والله انا مش فنان بغني
ولا شاعر بيكتب موواويل
أنا هارب من الناس والايام
………..
غصب عني أنا كنت زمان
عامل خدى للناس مداس
كنت بدى مش باخد
وبين أمواج الحياة بعافر
وعلى شأطئ الدنيا برسي
ولا كنت بكره ولا حتى بقسي
كنت بعامل الناس بحب
حتى لو جيت على نفسى
كنت مخلص بأمانه
مكنتش أعرف أيه معنى الخيانه
بس فى الأخر أتظلمت أنا
مش بأيدي أحدد سنى
ولا عمرى اللى ضاع منى
………….
نصحوني كتير
قالو خلى بالك
من القريب قبل الغريب
الضربه مش هتعرف جاتلك منين
وأنا طنشت وقلت أنا غلبان
هيكرهوني ويحسدوني على ايه
والله حسدوني على أنفاسي
وقالو لسه نبضه شغال
وكمان قاعد بيحكي وسط العم والخال
كانو مخططين لدمارى
منتظرين لحظة أنهيارى
وأنا مش مصدق
أقرب ما ليا مستني وقوعي
معلش أعذرونى مبقتش تانى أسمح
و الضربة اللى مش بتموت بتهد
وأللى كان عامل زمان خايف عليا
وفى قلبه ليا حنيه
بقوله رساله خلاص
مبقتش تانى اسمح
