-كتب الفنان “حسام داغر “عبر حسابه على فيسبوك:”مبحبش اتكلم كتير تعب عندي أو مشاكل خاصة بى لحد وبحب دايما الناس تشوفني مبسوط زي ما بحب اشوفهم مبسوطين .. أنا جيت من السفر امبارح بس كنت مصاب بجرح كبير في رجلي وأنا في جورجيا ودخلت بسببها المستشفي الألماني هناك عملوا جراحه سريعة.
وتابع:” افتكرت الموضوع هيخلص علي كده بالمتابعة لكن بعد كام يوم لقيت الموضوع بيكبر و مخلصش ومضطر أعمل عمليه النهاردة في مصر بعد ما رجعت و قالولي الحالة طارئة و للأسف العمليه بنج كلي والمتابعه بعدها أهم لضمان نجاح العملية .. قلت الحمدلله و أنا مؤمن دايما إن قضاء الله أخف وأحن من أي حاجه تانية و أكيد ده الأفضل لأني واثق إن ربنا بيختارلي الأفضل .. بطلب منكم الدعاء بس لتخفيف أي آلام وبشكركم أنا بس حبيت أشارك لحظات ضعفي زي لحظات فرحي لأني إنسان طبيعي بشعر بالخوف والضعف زي أي إنسان وبمر بفترات مختلفة بس علطول بقول الحمدلله علي كل شيء .. الحمد لله في السراء الحمدلله في الضراء الحمدلله عل كل حال.
