حلت الفنانة هند صبري ضيفة أمس في برنامج “معكم منى الشاذلي” الذي تقدمة الإعلامية منى الشاذلي المذاع على فضائية CBC.
خلال القاء الملئ بالأحداث كشفت هند صبري عن مواقف تعرضت لها في بدايتها الفنية وعن علاقة الصداقة بينها وبين منة شلبي وأحمد السقا وعن تكريم الرئيس عبد الفتاح السيسي لها بسبب فيلم “الممر” وإليكم أبرز تصريحاتها
حيث قالت “صبري” عن علاقتها بالفنانة منى شلبي:” أنا ومنة شلبي مكناش بنحب بعض في البداية بس مكناش متخاصمين، وعلاقتي معاها كان فيها منافسة وحذر”.
وأضافت “هند صري” قائلة:” ناس كتير وقعوا بينا زمان وهي ودنية شوية وكان ناس بيجوا يقولولي منة بتقول عليكي كذا ويروحوا لمنة يقولولها هند بتقول عليكي كذا”.
-وأوضحت صبري لما المخرج محمد خان قرر أنه عايزنا في فيلم “بنات وسط البلد” احنا الأتنين قبلنا وجود بعض لأننا محترفين واول مرة أثناء اجتماعنا كلنا اتكلمنا أنا ومنة واتصافينا، أصلا خصامنا كان زي خصام العيال ومكنش خصام لكن كان حرص وحذر في التعامل ومنافسة، ولما كبرت عرفت أن الشخص اللي هينجح مش هيخسر التاني”.
ثم كشفت الفنانة هند صبري أنها تعرضت لبعض التنمر من بعض الفنانين وكانوا مسميني “المغتربة” وكان بيتقال “خلي المغتربة تنفعكم”.
فقد أدلت هند صبري بالكثير من التصريحات في لقائها مع الإعلامية منى الشاذلي وإليكم بعضها:-
- مكنتش مصدقة أني ممكن اتكرم من الرئيس عبد الفتاح السيسي على مشهد في فيلم “الممر”
- الحرب مش بس رجالة على الجبهة لكن امهات بتربي الأطفال لوحدها وقلت لشريف عرفة هي الناس هتفهم من مشهد واحد رسالة الست
- مكنتش عايزة أموت في نهاية فيلم “إبراهيم الأبيض” وكنت اتمنى تغيير النهاية لكن مروان حامد دايمًا بيموتني في أفلامه
- اصريت على تقديم أحمد السقا وكتابة كلمات التكريم بنفسي في مهرجان الجونة، فهو صديقي وصديق زوجي واتواصل معاه دايمًا وبينا تاريخ سينمائي طويل
- قررت أمارس الرياضة لأن وزني زاد بعد الولادة وإنجاب بنتين وبشوف أمهات معاهم 4 و5 أطفال ووزنهم قليل فقررت اتجه للرياضة
- أول فيلم عملته كان عندي 13 سنة وكان “صمت القصور” ومهرجان قرطاج كلموني علشان ياخدوا موافقتي على وضع صورتي على البوستر وطبعًا وافقت لأن الدورة دي تكريم لمخرجة الفيلم اللي توفيت بسبب الكورونا
- سعيدة جدًا أن أول رئيس وزراء في العالم العربي في تونس سيدة ودة تكريم للمرأة وسعيدة بوجود عدد من الوزيرات المصريات
- نفسي ثقافة إعادة التدوير تنتشر وأنا عندي سلة بحط فيها الكارتون والمعدن والبلاستيك والمندوب بيجي كل اسبوع ياخدها
- أنا بنت وحيدة ومامتي هي ملهمتي وهي كانت مدرسة وعايشة معايا في مصر من 5 سنين
