صرح الكاتب الصحفي الأستاذ إيهاب شعبان نائب رئيس تحرير جريدة المساء وأمين صندوق النقاد الرياضيين عبر قناة نايل سبورت الفضائية أن المدرب المصري مش واخد حقه في مصر وفي وكلاء مدربين بتفرض أسماء معينة وفي مدربين كويسين كتير جدا في مصر بس مش بيعرفو يسوقو لنفسهم كويس وماعندهمش وكلاء تعمل كده.
وأضاف : “أن مدرب منتخب مصر روي فيتوريا ماشي بشكل كويس مع المنتخب لعب مباراتين كسب 3/0 في المباراتين ودي بداية مبشرة ومطمئنة للجمهور المصري”
وعن الإتحاد المصري لكرة القدم قال ” إحنا بقالنا فترة كبيرة مش مستقرين كرويا وإداريا عشان كل شوية إتحاد يستقيل وكل شوية لجنة جديدة تمسك إتحاد الكرة وده مؤثر سلبيا علي الكرة في مصر ومنتخب مصر وشوفنا عدم الاستقرار ده في تغيير مدربين المنتخب”.
وإستكمل قائلا : “إحنا ماعندناش لجنة مسابقات تعمل بنظام وشكل جيد باستثناء أشخاص معينة.
وأضاف أيضًا الناقد إيهاب شعبان” إنه شيء يكسف جدا إن مصر بعراقتها وإتحاد كرة متأسس من سنة 1921 وماعندناش مدربين حاصلين علي رخصة تدريب ولا دورات تدريبية وإحنا عندنا ماشاء الله مدربين كبيرة بياخدو مبالغ كبيرة إزاي مش عارفين يصرفو علي نفسهم في الحصول علي دورات تدريبية أو فترات معايشة في أوروبا.
