أكد رئيس نادي الزمالك المستشار مرتضى منصور أن أزمة عبدالله جمعة الظهير الايسر للفارس الأبيض قد إنتهت بعد إعتذار اللاعب، وحضوره اليوم للنادي، ولم يوضح موقفه من أحمد فتوح .
وقال مرتضى منصور في تصريحات تليفزيونيه عبر قناة الزمالك: “اتكلمت عن كابتن احمد فتوح وعبدالله جمعه امبارح، احنا مبندبحش حد وهم ولادنا ومش هنسى ماتش السوبر لعبدالله واخر ركلة جزاء امام الاهلي”.
واضاف:” عبدالله اعتذر لنا وللجمهور، وبدايه اي اصلاح هو الاعتذار كلنا بنغلط اول ما تعترف بالغلط اعرف ان في الطريق الصحيح، انا قبلت اعتذارك واتمنى الجمهور يقبل اعتذارك”.
وشدد مرتضى: “انت جالك اكتر من عرض ياعبدالله الفترة اللي فاتت، وقبلنا اعتذارك واتاكدت انك هتمشي في الطريق السليم ياجمهور الزمالك مش هندبح ولادنا في سن الشباب بيحصل خطأ وطالما بيتراجع خلاص”.
واردف:” عبدالله يلعب اولأ ده شغل الجهاز الفني، وانت معنا ياعبدالله”.
واكمل: “ياجمهور الزمالك اغضب من الحكام، واوعي تغضب من ولادك، لو اتحسب لنا ضربات الجزاء في مباراتي اسوان والداخليه كنا كسبنا واتصدرنا، انتم خليتوا الرجل اللي مش طايق الزمالك يقول تسلل احمد الشناوي”.
واختتم:” بقول للجمهور اوعى تيأس وكمل وخليك ورا فريقك، انا لما عاقبت الفريق بسبب الزعل، بقول لولادنا اكسب ماتشينك مع الاهلي هتاخد الدوري، واوعوا الجمهور والفريق ييأسوا”.
