فتح رئيس مجلس إدارة نادي الزمالك مرتضى منصور ،النار على الإعلامي أحمد شوبير بسبب تصريحاته الكيدية بعد تأهل الأهلي لمواجهة ريال مدريد في نصف نهائي كأس العالم للأندية.
وقال مرتضى منصور في مداخله هاتفيه ببرنامج زملكاوي عبر قناة الزمالك: “مين الرداحه اللي بتردح دي، يادوله يا مصريه قناة الزمالك ملهاش علاقه بقناة أون تايم من الآن ”.
وأضاف:” بيقول الأهلي هبه من ربنا لمصر، وبتقولوا مرتضى سبب الإحتقان، ده ناقص يقلع ويقوم يرقص ياكل المسئولين عن أون مين الرداحة ده، أنت وصمة عار في جبين الإعلام المصري، ايه الردح ده إحنا ياعم كذابين لكن ماخدناش ساعات من حد ولا أخذنا 228 مليون جنيه من حد”.
وشدد مرتضى:” أقعد الزمالك على جزء من حجرك، في الوقت اللي أنت مقعد الأهلي على حجرك كله”.
وأردف: “أحمد موسى طالع يتنطط، ومهلتك خلصت يا أبو العنين أوعى تنسى أن كنت المحامي بتاعك وعارف عنك كل حاجة، ومستضيف خالد مرتجي ويقول سيب التانين يجعجعوا، أومال مين جاب النكسه لمصر مش اللوا مرتجي والدك، لموا نفسكم انا لامم نفسي يا أخي أناهنئت الأهلي بالماتش اللي فات”.
وواصل مرتضى:” هناك غسيل أموال، وتقولي هات صفقات منين وأنا محجوز على أرصدتي، كويس أن جبت 14 لاعب، أنت يامرتجي بتقول بنجعجع دي نكسة 67 بطلها والدك، إحنا في حالنا ونتفرج على مهازل بتحتكوا بينا ليه”.
وإختتم: “المخبر احمد موسى نصف اللي جابهم في التقرير زملكاوية بالمغرب وباركوا للأهلي، الفتنة نائمة وللصبر حدود وبلاش تستفز ملايين من جماهير الزمالك”.
