موجة غضب عبر السوشيال ميديا بعد تداول صورة عمرو راضي وخطيبته وحبيبها السابق.. وراضي يرد
اشتعلت مواقع التواصل الاجتماعي خلال الساعات القليلة الماضية بعد تداول صورة تجمع بين البلوجر المصري عمرو راضي وخطيبته هدير النحاس وشخص آخر يدعى محمد عصام الجمل.
وبدأت القصة عندما نشر الجمل صورة عبر موقع إنستجرام، من حفل طلب زواج عمرو راضي من هدير النحاس، حيث علّق على الصورة قائلًا: أيوه إنتي أحلى واحدة شافتها عينه بجد والله.
وبدوره علق راضي على الصورة بوضع عدد من القلوب فيما علقت هدير على الصورة قائلة: أحلى إكس في حياتي. وهذا ما أثار موجة من الجدل الكبير عبر منصات التواصل الاجتماعي.
ومن جانبه رد راضي على الموضوع الذي تصدر الترند وقال: شكرا من كل قلبي على كل المشاعر الحلوة اللي وصلتني منكم.. مبسوط من قلبي إنكوا شاركتوني ده.. طبعًا بعد أكثر 10 سنين على السوشيال ميديا.. شوفت فيها كل حاجة حرفيًا.. كان متوقع جدا ناس تطلع تغلط فينا ويزايدوا.. أنا بشكرهم على مجهودهم.
وتابع: ناس فاكرة نفسها أكثر منا احترامًا وأدبًا وبيفهموا في الأصول أكتر مننا.. ومعرفش بيحكموا علينا من إيه وناسيين إننا بنوريهم وبس اللي عايزين نوريهولهم.. يعني أنا والبنت اللي بحبها نعرف بعض سنة.. ملناش صورة واحدة نزلت.. حفاظًا مني عليها وبحكم إن الناس عارفاني أربط اسمها باسمي إلا لو في حاجة رسمية.
وأضاف: تطلعونا مش رجالة ورايح أخطب ex أنتيم عمري 15 سنة، عشان كومنت بتهزر فيه على نكتة بينا وبين صحابنا.. عشان عشت مع أنتيم عمري كله وجت هيا خدتنا من بعض.
كما نشر راضي مجموعة صور خلال تقدمه لطلب خطبة هدير من أسرتها.
