أكد محمد مرجان أحد ملاك عقار الإسكندرية المنهار تفاصيل الحادث مشيرا إلى أن إنشاء دور مخالف هو ما تسبب في انهيار المبني.
وقال مرجان خلال برنامج “على مسؤوليتي” المذاع على قناة “صدى البلد”: “أنا بخير وكنت لأخر لحظة بخير ورفضت النزول لما لقيت العمارة استقرت وقلت اجمع حاجاتي المهم وأنزل ولكن الناس اللي خايفين علينا أصروا أني أنزل لأن العمارة في وضع خطر”.
وأضاف: “المشكلة أن في ناس طمعوا في مكسب من ورا العمارة وبدأوا في بناء الدور الـ 14 والحي قال ممنوع مزاولة أي اعمال بناء عشان ميأثرش على العمارة لحد ما طلعوا شياطين الانس دول وابتدوا يبنوا”.
وتابع: “المفروض الناس دي تتحاسب حساب عسير لأنها شردت الأسر والناس الملاك؛ أنا مقيم في العمارة لكن معظمهم مش مقيمين؛ المقيمين 10 أسر بالكتير وفي 78 شقة في العمارة وبتتأجر والناس بتسثمرها عشان قريبة من البحر”.
وأكمل: “الهزة مجاتش الا بعد ما الطوب نزل والجدران التقيلة بدأت تتهاوي؛ والست شقق اللي فوق اتأثرت بالدور الـ 14 والعمودين اللي اتشالوا من تحت اللي شايلين نموذج أربعة نموذج أربعة ودا كان شيء غبي جدا؛ ناس غير مؤهلة”.
وأوضح: “العمودين شايلين حمل نموذج أربعة؛ والعامودين كانوا شايلين الواجهة؛ بلغنا الحي وطلع لجنة استشارية واللجنة زي ما جات زي ما مشيت مبسوطة؛ هما معاهمش قرار الترميم واللجنة غضو البصر على اللي حصل وخافوا يسيبوا مستند يدينهم”.
وواصل: “كل يوم الونش طالع نازل في العمارة وأنا حذرتهم وفي ناس بلغت الحي واللجنة زي ما بتيجي زي ما بتروح؛ قرار الازالة الصادر كان للدور اللي فوق الانها كانت عبء على العمارة؛ الجشع والطمع والناس اللي معندهاش ضمير ومش فارق معاهم أرواح الناس”.
وذكر: “مفيش احمال بتتحمل على مبني بالشكل دة؛ تتفاوت الاعداد الموجودين بين 7-12 أسرة بالإضافة للمستأجرين والعمال بتوعهم؛ بنتكلم عن 12 أسرة مش 12 فرد حتى اللي بيأجروا مش بيبقوا أفراد”.
واختتم: “ألشقة رقم نموذج واحد بعيدة عن الحدث؛ وفي جزء وقع وباقي الأجزاء سليمة؛ العمارة اضررت خلاص؛ أنا مش شايف حد بيقولنا هتباتوا فين”.
