كشف علاء ثابت؛ رئيس بيت العائلة المصرية في العاصمة الألمانية؛ حقيقة مشجع الزمالك الذي سافر من ألمانيا إلى المغرب لتشجيع فريق الوداد المغربي واستفزاز لاعبي الأهلي.
وقال ثابت في مداخلة عبر الفيديو مع برنامج “حديث القاهرة” المذاع على قناة “القاهرة والناس”: “مفيش رابطة لمشجعي الزمالك في ألمانيا؛ في جالية مصرية محترمة بيحبوا مصر أولا والانتماء ده حاجة بالنسبالنا اللي بيشجع الأهلي أو الزمالك ولكن إحنا مصريين”.
وأضاف: “هذا الشخص؛ جاء من ألمانيا وعمل اللي عمله ودي إساءة لمصر ولسمعة مصر وأنا دوري كمسؤول أن أبحث عن الشخص ده وايه خلاه يعمل كدة ومين اللي وراه وأيه اللي خلاه يوصل للنادي الأهلي أو أي نادي مصري في الخارج ويعمل اللي عمله ده لأن الشخص ده لا يمثل المصريين بالخارج”.
وتابع: “عملت اتصالات والحمد لله وصلت للمكان اللي ساكن فيه؛ هو في فرانكفورت والمصريين هنا كلنا أيد واحدة وبنساعد بعض وقلتهم يا جماعة شوفولي ده؛ أحنا عرفنا أن الشخص ده مكروه من الجالية المصرية وأنه غير وطني؛ احنا كمصريين عارفين مين مع الدولة ومين مش مع الدولة المصرية”.
وأكمل: “هو كان من العناصر اللي كان مش مع الدولة المصرية؛ أحنا كمصريين هناك عارفين بعضنا وعارفين مين بيندس وبيطلع حاجات ضد الدولة؛ هو ولا دكتور ولا أي حاجة ولكن هو شكله مريض وهو ولا واخد دكتوراه ولا اتعلم في ألمانيا”.
وواصل: “هو جه هنا ألمانيا واشتغل في فرقة اسمها أرابيسك وبدأ يشتغل في بيع بدل الرقص؛ أي شغلانة مش عيب المهم تكون شغلانة محترمة ولكن تقول أنا بشتغل ايه؛ هو عنده كشك في الإمكان بتاعة المحطات وكان بيأكل المشردين على أساس ياخد مساعدات من الدولة واتقفل بعد شهرين؛ الانسان ده غير سوي وبعد ما اتقفل الكشك بتاعه أنا معرفش بيعمل ايه”.
واثار مشجع الزمالك الذي سافر من المغرب إلى ألمانيا الكثير من الجدل بعد محاولته استفزاز لاعبي الأهلي خلال وصولهم إلى مدينة الدار البيضاء من أجل خوض إياب نهائي دوري أبطال أفريقيا أمام الوداد المغربي.
