علق الإعلامي أحمد موسى؛ على الأكاذيب التي ترددها جماعة الإخوان الإرهابية بشأن مشروعات الصوب الزراعية في مصر.
وقال موسى خلال برنامج “على مسؤوليتي” المذاع على قناة “صدى البلد”: “مش الصوب اللي مضايقات؛ هو أنت خايف على مصر يعني؟ أنت هربان عايش في لندن بتقبض ألاف الإسترليني والتاني اللي بياخد بالدولار ويجي يقولك أحنا مصر؛ هو أنت خايف على مصر يعني؟ أنت ملكش علاقة بمصر”.
وأضاف: “أنت خليك عندك وعيش في حالك ملكش علاقة بينا؛ سيب لنا بلدنا أحنا عارفين بلدنا بنعمل ايه ورئيسنا بيعمل لنا ايه؛ بالمناسبة اللي عمله يوم 3-7 كفاية عليه واللي عمله 14-8 وتطهير بؤرة رابعة من الإرهاب كفاية أوي متشكرين والباقي دة اضافة”.
وتابع: “هو احنا لما قلنا لسيادة الرئيس أنزل كنا عارفينه هيعمل صوب زراعية أو هيعمل شيء؟ لا ولا حاجة قال ساعدوني مفيش حد بيعمل لوحدة وقال نتحمل قلنا أه نتحمل؛ وكان عارف التحديات؛ نزلتوا بصور الرئيس من يناير 2013 في بورسعيد وكان عندنا حكم إرهابي أسمه محمد مرسي الجاسوس الخاين”.
وأكمل: “الطابور الخامس لا يمكن يتراجعوا عن محاولات هدم مصر؛ عندنا مشكلة نعمل ايه بقي؟ نهدها؟ طيب ما اتهدت في 2011؛ هي ما شاء الله في 2011 البلد دي كانت ما شاء الله يعني البلد دي متهدتش دلوقت؟ اتهدت واتولع في البلد”.
وأوضح: “مش انت خدت قرار في 2011 وصلنا لاية؟ مش انت جاي تقول الدولة بتعمل مشروعات وهمية؟ لا الدولة بتعمل مشروعات وهمية ولا الرئيس؛ الرئيس قرارين قرار عظيم في 3-7 أي حد في العالم ولا يفرق معايا أنا خدت قرار للشعب وانتهي؛ القرار دة يدخل الرئيس التاريخ بدون أي حاجة يفضل كدة بالقرار دة”.
واختتم: “قرار أيضا النائب العام يوم 13-8 تحرير البؤرة من إرهابيين الإخوان الخونة؛ ثم تضحيات القوات المسلحة والشرطة؛ طيب يا سيدي معندناش صوب من الأخر مفيش محمد نجيب ولا أبو سلطان ولا الأمل؛ أنت مالك؟ أنت اللي هربان مالك؟ أنت عايز تعمل ايه عايز الناس تطلع تعمل فوضى؟”.
