صرح الملحن محمد رحيم فى تصريحات إعلامية لبرنامج “إى تى بالعربى”، بشأن العلاقة الوطيدة التى تجمعه بالمغنية ميريام فارس، ومدى حبها لمصر.
وأكد رحيم:”ميريام فنانة مجتهدة وشاطرة، وعندها طبعاً جمهور كبير بيحبها، ورغم إنى مش حابب أعلّق على أى موقف سلبى حصل قبل كده، لأنها أصلاً عٍشرة عمر، وهى زى أختى وإنسانة طيبة جداً ومجتهدة ومحترمة فعلاً”.
وتابع:”قد تكون مثلاً قالت كلمة في موقف، أنا واثق مليون في المية أنها طبعاً ما تقصدهاش، بدليل إن أغنية “الساحل الشمالي” لما اتعرضت عليها رحبت بالفكرة جداً وسعت إن المشروع يتم، والغنوة فيها كلمة واضحة وصريحة وكلها حب للجمهور فى مصر، ومصر طبعاً بلدنا العظيمة اللى مفيش فنان في العالم يقدر ينسى دورها وأهميتها وفضلها الكبير على العملية الفنية، دى حاجه طبعاً مش محتاجين نتكلم فيها، ومش محتاجة أى مزايدة من حد”.
وانهى حديثه قائلاً:”فيه مقطع هي بتغنيه بيقولوا مصر حلوة، لا بيقولوا مصر جنة، والغنوة نفسها بتقول كده كمان، وبتغنيها باللهجة الإسكندرانية، وهى غنتها بشكل كويس والناس حبت الموضوع، ودي رسالة حب إحنا عاوزين دايماً نقرب من بعض كشعوب وكبلاد، ونبقى دايماً محافظين على مسافة الحب دى، الأغنية كأنها دعوة حب، وفيها غزل متبادل ما بين البلدين اللى بيحبوا بعض مصر ولبنان”.
والجدير بالذكر أن تلك التصريحات تحمل إشارة واضحة وصريحة إلى تصريحات سابقة لميريام عن عدم إحيائها حفلات فى مصر بسبب أجرها المرتفع.
