أكد الإعلامي أحمد موسى؛ أن الانتخابات الرئاسية المقبلة هي انتخابات طبيعية تقام وفقا للدستور مشيرا إلى أن ما يقال عن أنها انتخابات مبكرة غير صحيح.
وقال موسى خلال برنامج “على مسؤوليتي” المذاع على قناة “صدى البلد”: “الهيئة الوطنية للانتخابات شغالة على مدار الساعة؛ السفارات والقنصليات شغالة على مدار الساعة؛ قاعدة بيانات الناخبين شغالة على مدار الساعة؛ نقترب من لحظات الإعلان عن فتح الباب والإجراءات الخاصة بتوقيتات اجراء الانتخابات الرئاسية القادمة”.
وأضاف: “الانتخابات طبقا للدستور والمواد 141-142 وهي مواد تحدد أيه الحكاية وليست انتخابات رئاسية مبكرة عشان الهجايص والتهريج الناس اللي عمالين يفتوا في أي مكان؛ ليست انتخابات رئاسية مبكرة ولكنها انتخابات طبيعية”.
وتابع: “الانتخابات طبيعية في مواعيدها المحددة طبقا للدستور وأهلا وسهلا بأي حد يعلن أنه يخوض الانتخابات الرئاسية ومفيش أي مشكلة ودائما الحكم هو الصندوق الانتخابي ولا أي شيء اخر؛ أحزاب معارضة بيتكلموا على مرشحين اتفضلوا”.
وواصل: “الأهم ايه بقي في الموضوع؛ حضرتك المواطن أو الناخب أي واحد يجد في نفسه أن عنده القدرة أنه يخوض الانتخابات يتفضل بس لازم يقول للناس أنا هعمل ايه النهاردة أنا عندي أفكار هعمل ايه؟”.
وأوضح: “عندي أزمة دولار هتحلها ازاي؟ الاستيراد هتحله ازاي؟ مشكلة الأمن الغذائي هتحلها ازاي؟ اتعامل مع كل القضايا العالمية ازاي؟ لازم نتعامل مع ده بشكل واضح؛ احنا دولة من الدول اللي بتعمل انتخابات رئاسية لوحدها وبرلمانية لوحدها عشان نعمل زخم انتخابي”.
وأكمل: “محصلتش أبدا أننا ننتخب رئيس ومجلس نواب مع بعض؛ لما تعمل الحكاية دي لو عندك 25-30 بينزلوا هتلاقي 50-60 بينزلوا؛ الرئاسية حاجة والبرلمانية حاجة محصلتش أبدا أن جمعنا انتخابات الرئاسة مع انتخابات البرلمان”.
وواصل: “اتفضل انتخب وأقف الناس اللي عايزاك قدام اللجان واشراف قضائي كامل على كل حاجة من أول الإعلان وكل الإجراءات الخاصة بالانتخابات الرئاسية اشراف قضائي كامل من أول فتح الباب مين هيعلنها؟ رئيس الهيئة الوطنية للانتخابات”.
واختتم: “النهاردة عاملين اجتماع حوالين زوي الهمم وبيتكلموا معاهم النهاردة عشان التوعية وازاي تسهل الكلام دة؛ عندك عدد كمان لهم حق يدلوا بأصواتهم”.
