أكد الإعلامي أحمد موسى أن مصر تسعى إلى أن تكون مركز إقليمي للتجارة العالمية واللوجستيات من خلال عمليات تطوير البنية التحتية للنقل البحري والسكك الحديد.
وقال موسى خلال برنامج “على مسؤوليتي” المذاع على قناة “صدى البلد”: “ميناء سفاجا مهم جدا لانه مرتبط بقنا وأبو طرطور والفوسفات اللي هناك؛ السكة الحديد بتاعة أبو طرطور اتسرقت ولكن انت بتعمل ميناء سفاجا وبتعمل تطوير وهيئة موانئ أبو ظبي بتعمل ده دلوقت”.
وأضاف: “الفريق كامل الوزير بيتكلم بدل ما عندي 125 مليون طن تداول عايز أوصل إلى 400 مليون ده وبدل ما يكون عندي 12 مليون حاوية عايز أوصل إلى 40 مليون حاوية كل دي فلوس داخلة؛ تجارة الحاويات هي دي اللي بتدخلك مليارات الدولارت؛ حركة شحن بتتكلم على اجمالي 7 ألاف كم وبتعمل ربط موانئ جافة بشبكة سكة حديد وعندك 100 كم أرصفة في الموانئ المصرية”.
وتابع: “بتتكلم على أعماق من 15-18 متر اللي بتستقبل السفن العملاقة؛ وعندنا 15 كم من حواجز الأمواج؛ وهو دة اللي يقولك إنك داخل في ملف في غاية الأهمية؛ الفريق كامل وضحلنا مفيش أي ممر لا بحري ولا بري هيكون بديل لقناة السويس”.
وأوضح: “خط التجارة العربي عشان تربط الدول العربية مصر والعراق والأردن؛ ويتم استخدام الطريق لربط التجارة العربي وزي ما قال الفريق كامل الوزير؛ تجارة الأردن وصادراتنا كلها من عندنا تنقل من العقبة إلى نويبع ثم بورسعيد؛ أنت أقرب والاسرع لأوروبا الكامل والولايات المتحدة الامريكية”.
وذكر: “مصر بتشتغل على مركز إقليمي للتجارة العالمية واللوجستيات؛ والنهاردة بتوقع عقد مع موانئ أبو ظبي وهي من الشركات الكبيرة في هذا المجال وتتولي عملية إدارة وتشغيل الميناء ونحن لا نبيع شيء؛ بنتكلم عن القطاع الخاص المصري والعربي والأجنبي ودي شركة شهيرة ومعروفة ولها سمعة وبالتالي رسى عليها أنها تتولى إدارة وتشغيل ميناء سفاجا”.
ووقعت مصر، الأربعاء، اتفاقية مع مجموعة موانئ أبوظبي لتشغيل وصيانة محطة (سفاجا 2) متعددة الأغراض بميناء سفاجا.
ويتضمن العقد منح التزام بناء وتطوير البنية الفوقية واستخدام وإدارة وتشغيل وصيانة وإعادة تسليم محطة متعددة الأغراض بنطاق ميناء سفاجا، لشركة سفاجا لتشغيل المحطات، بنظام المناطق الحرة الخاصة.
