أكد الفنان محمد رمضان إدانته للاعتداءات الإسرائيلية الأخيرة على خيم النازحين في مدينة رفح الفلسطينية.
ونشر محمد رمضان عبر صفحته الرسمية في موقع التواصل الاجتماعي إنستجرام مقطع فيديو قال فيه: “والله أنا مكسوف كسوف، مكسوف لنفسي ومكسوف لكم ومكسوف لكل عربي، ربنا يرحم شهداءنا في رفح الأول، ويشفي مصابيهم ويصبر أهاليهم”.
وأضاف: “مكسوف إن كل جريمة بشعة عقلنا لا يستوعبها وقلبنا لا يتحملها اللي بنقدر نعمله إننا نمسك الموبايل، وشوية ناس تصمم صور وتكتب اللي قلبها يقول لها عليه، وناس تانية تمنتج فيديوهات على موسيقى حزينة، وناس تعمل فيديو تقول اللي حاسة بيه”.
وتابع: “هو إحنا هنفضل لإمتى نحارب بالموبايل، هنرجع كرامتنا بالموبايل إزاي، وهندافع عن إخواتنا بالموبايل إزاي، وهنحررهم بالموبايل إزاي”.
