المذيعة هنا جمال تستغيث من غلاء اسعار الكفتة في مطعم قصر الكبابجى حيث استغربت من سعر نص كيلو الكفتة الذي وصل 927 جنية تقريبا وقالت ليه بتسمعوا مزيكا البهايم والخرفان عندكم وقالت عبر صفحتها عبر الفيس
نداء خاص لصاحب قصر الكبابجى
النهاردة عادى جدا طلبت من عندكم نص كيلو كفته ليه يجيلى النص كيلو كفته بالسعر دا ٩٢٧ جنيه ليه هوا لحم غزال ولا ايه طيب عشان نبقى فاهمين طبعا هتردو تقولولى أن انتو بتسمعو اللحمه بتاعتكو مزيكا وطبعا دا غالى انا عارفه.. بعيدا عن الهزار بقا طب والناس الغلابه لو حد عدا من قدام قصر الكبابجى وحب ياكل اى حاجة وأبسط حاجة هيدفع اد ايه ومش بقول ناس مش معاها لاء موظف هيدفع تلت مرتبه عشان ياكل نص كيلو كفته طب وباقى العيله هيعمل ايه بجد حرام لازم تراعو الناس دى عشان ربنا يرزقكم اكتر بالرزق الحلال.
