علق الإعلامي أحمد موسي، على موقف عناصر جماعة الإخوان الإرهابية من زيارة الرئيس عبد الفتاح السيسي إلى تركيا والاستقبال الحافل الذي وجده من الرئيس التركي.
وقال موسى خلال برنامج “على مسؤوليتي” المذاع على قناة “صدى البلد”: “مين زعلان؟ افتكروا من ساعة الإعلان عن هذه الزيارة إياهم ولكن هل تشوفهم النهاردة؟ تشوف حد فيهم عامل تويته أو أي حاجة لا طبعا ومش عارفين يعملوا إيه”.
وأضاف: “زيارة مهمة جدا واستقبال كبير جدا للرئيس السيسي من الرئيس أردوغان هذه دول وكل دولة عارفة قدر الدولة الأخرى موجودين النهاردة بهذه الحفاوة، والرئيس أردوغان بيخالف البروتوكول التركي ويروح للرئيس في المطار تقدير قد إيه وحفاوة قد إيه”.
وتابع: “هذه المشاهد تسعد أي مواطن مصري بيحب بلده وواقف مع بلده وداعم بلده، ولكن أعداء الوطن الصورة دي واللقطة دي تبكيهم والله بيبكوا من إمبارح من أول إمبارح من ساعة ما أنا اتكلمت من ساعتها لقيت ناس بتدخل الحساب بتاعي وتشتم”.
وأوضح: “اللي بيكروهوا البلد هيفضلوا يكرهوها دول أعدائنا بجد الموضوع حاجتين مش تلاتة الحاجة الأولى إما بتحب بلدك أنت مواطن شريف بتحب بلدك أو بتكره بلدك، واللي بيكرهها خاين يا بتحب البلد أو بتكرهها مواطن مصري عظيم ومحترم يتشال على الراس”.
وأكمل: “النهاردة عارفين مين اللي بيحب ومين اللي بيكره وشغالين على الحكاية دي، النهاردة أشوف بقى مين عمل إيه، كلهم هوس بكاء والدموع عياط ما الذي جرى هو اللي جري كروت ادمرت واترموا في القمامة”.
