علق الإعلامي أحمد موسى على التقرير الذي بثته إحدى القنوات الإسرائيلية والتي اتهمت خلاله الإعلام المصري بترويج خطاب كراهية ضد إسرائيل.
وقال موسى خلال برنامج “على مسؤوليتي” المذاع على قناة “صدى البلد”: “الإعلام العبري يدق ناقوس خطر خطاب الكراهية في مصر هما عاملين تقرير مطور بنحاول نترجمه وبيتكلموا فيه عن العبد الله، عني في إحدى القنوات الإسرائيلية الخاصة باليمين المتطرف في إسرائيل عاملين تقرير 8-9 دقائق وكل كلمة والتانية يجيبوني وأنا بتكلم على الهواء”.
وأضاف: “هو أنا بغير كلامي؟ ايوة انا بقول إن انتوا بتعملوا إبادة في غزة كل ما يقولوا كلمتين يقولوا شوفوا الرأي العام في مصر، بيقولوا عليا أني بوجه الرأي العام داخل مصر وإن هذا البرنامج يقوم بتوجيه الرأي العام وأن هذا البرنامج ومقدم البرنامج بالاسم طبعا وكل ما يقولوا كلمتين يروحوا وخدين لقطة بصوتي”.
وتابع: “بيقولوا إني بعمل خطاب تحريضي ضدهم أو خطاب معادي لإسرائيل هما اللي بيقولوا وبيقولوا إن أنا بتكلم عن قوة الجيش المصري طبعا بتكلم عن قوة الجيش المصري وواخدين لقطات وأنا بتكلم عن الفريق أحمد خليفة لما تفقد شمال سيناء ورفح وواخدين اللقطات دي وأنا بتكلم”.
وأكمل: “أيوة طبعا بتكلم عن قوة الجيش المصري وشغالين في تقرير مهم أوي بيتكلموا فيه على أن هل في خطاب كراهية بيتم في الإعلام المصري؟ ومهتمين جدا باللي بيحصل في هذا البرنامج ومركزين تركيز شديد وواضح أنهم بيتابعوا هذا البرنامج على مدار الساعة”.
وواصل: “جايبين محللين وسفيرتهم السابقة في مصر والمحللين بتوعهم قالوا أه الخطاب ده بالنسبالنا كذا وبيقولوا إن في مشاكل وأن هذا الأمر زاد بعد 7 أكتوبر وإن احنا بنتبني الخطاب المعادي لجيش الاحتلال أيوة وضد الصهاينة”.
وأوضح: “هناك فارق كبير بين الصهاينة واليهود نحن لا نعادي الأديان ونحترم جميع الأديان ولكن أنا ضد جيش الاحتلال وضد الإبادة اللي بيقوم بيها جيش الاحتلال وضدهم وبيقولوا إني بصف ما يحدث في غزة أنه أبادة هو أنا اللي بيقول؟ الجنائية الدولية ومحكمة العدل الدولية هي اللي بتقول”.
واختتم: “هما ذاعوا الحلقة امبارح والجزء التاني عاملينه النهاردة وبيتكلم عن القوات المسلحة المصرية وواخدين لقطات للرئيس السيسي وهو بيتكلم عن القدرات اللي بتمتلكها مصر”.
