زيزو ل هاني حتحوت فى راديو أون سبورت عن مفاوضات الزمالك لتجديد عقده :
هشام نصر نائب رئيس النادي طلع قال إنت عايز ٦٠ مليون رغم أننا مكناش اتكلمنا في ارقام
مرتضي منصور بعت عربية للمنيا عشان تجيب والدي ونجدد وده الاختلاف في التقدير
كنت بغشش حسين لبيب يتعامل مع بابا ازاي عشان نجدد
بقالي ٧ شهور بتحايل عليهم نجدد وفي الآخر قالولي هتاخد فيلا تتصرف فيها بعد سنتين
لبيب قالي في الطيارة واحنا راجعين من المغرب ، احنا مش مس قادرين نوفر مقدم التعاقد
كانوا بيحفذوا ناس تشتمني ع الميديا وفي المدرجات
ميدو في ماتش بتروجيت كان بيقول بقي هو ده اللي عايز الملايين دي كلها
اقسم بالله عرض الزمالك هو الأقل ماديا في كل العروض من داخل وخارج مصر بينهم بيراميدز والأهلي
انا في غاية الإحباط بسبب ما حدث في الشهور الماضية، مش مصدق دي المعاملة اللي بيتعامل بها لاعب عمره ما قصر في حق النادي في خلال الشهور اللي فاتت ابويا تعرض لكل انواع الهجوم على السوشيال ميديا بدافع من أشخاص في الإدارة ابويا راجل محترم مش اقل من اي واحد فيهم ابويا ده اللي جدد عقدي مرتين مع الزمالك قبل كدة وماخدش فلوس وهو وكيلي ومن حقه اساسا ياخد عمولته طب ما انا ممكن اجيب وكيل وياخد فلوس واديها لبابا بس انا مش بتاع الحركات دي بس المشكلة الحقيقية بسبب السمسرة اللي بتحصل في الصفقات التانية
انا اتغير عليا ٧ مجالس إدارات وعمري ما تمارضت ولا غيبت عن تمرين ولا قولت بطني وجعاني ولا قولت رجلي مش قادره
