علق صالح جمعة لاعب الأهلي السابق على كواليس أزمة إمام عاشور مع النادي الأهلي الأخيرة وتوقيع غرامة مالية كبيرة وإيقافه من جانب وليد صلاح الدين.
وأعلن الأهلي في وقت سابق توقيع غرامة مالية كبرى على إمام عاشور وإيقافه لمدة أسبوعين بسبب تخلفه عن السفر رفقة بعثة الأهلي إلى تنزانيا لخوض مواجهة يانج أفريكانز التنزاني في دوري أبطال أفريقيا.
وقال صالح جمعة في تصريحات تلفزيونية عبر قناة mbc مصر 2 “كنت متواجدًا بالأمس مع إمام عاشور ومحمود كهربا من أجل تناول وجبة العشاء في مكانٍ ما وتم الحديث معه عن أزمته مع الأهلي”.
وأضاف “إمام عاشور عنده مطالب خاصة من النادي، وحاسس إنه مظلوم، وبيشوف نفسه أفضل لاعب في مصر ومتفوق ماديًا عن أي حد حواليه”.
وأشار: “بعيدًا عن الفلوس، هو كمان شايف إن طريقة التعامل معاه محتاجة تبقى أحسن من كده، وهو قدامه عروض كويسة بأرقام محترمة، وبيفكر في مستقبله وعايز تعاون من النادي”.
وأردف صالح جمعة قائلًا: “في الآخر، الكل عايزه يكمل ويبقى موجود، والموضوع ممكن يتحل بشكل هادي ونقعد معاه ونجددله سنتين”.
وأتم صالح جمعة: “اللي مضايقه فعليًا هو الجانب المادي، وهو العامل الفاصل في كل حاجة”.
