قدم الإعلامي مصطفى بكري مقترحات لحل مشكلة العدادات الكودية وتوحيد سعر الكيلو وات من 68 قرشا لـ2.74 قرش، قائلًا: عندي الآن 6.5 مليون عداد كودي، وقانون التصالح فيه مشكلة، يبقى لازم ألاقى حل وأطبق روح القانون لغاية ما يتم التصالح.
وأضاف بكري خلال برنامج حقائق وأسرار على قناة صدى البلد، أن المقترحات التي قدمها تكون على النحو التالي: أولًا من يسدد جدية التصالح الـ25% يقبل طلبه فورًا ويتعامل لسعر الشرائح العادية.
وأوضح: ثانيًا الشخص اللي ماسددش، ومستعد يدفع ما نص عليه القانون اللي هي الدفعة المقدمة للتصالح الـ25% لمجرد أن يدفعها ويحصل على إيصال يقبل طلبه ويتم تحويل العداد الكودي إلى عداد عادي ويستمر الوضع حتى ينتهي من إجراءاته ولا ينتظر سنة ونصف هي المدة الطبيعية للتصالح، يعني يقبل ويتحول العداد إلى عداد طبيعي حتى لو معملش إجراءات التصالح، المهم يدفع الـ25% فقط، أما لو أنا قلت لازم تخلص إجراءات التقنين والتصالح وبعده أركب العداد العادي، ده معناه أن 6.5 مليون عداد كودي حينتظروا سنوات علشان يخلصوا.
وتابع مصطفى بكري: عندي أمل في وزير الكهرباء اللي بيشتغل ليل نهار، عاوزين نقف مع المواطن اللي واقف مع الدولة، ولا يجب الرهان على صبر المواطن، نفذوا توجيهات الرئيس السيسي، ما أنتم هيجيلكم فلوس من الـ25% من فلوس التصالح، طب علقوا الزيادات 6 شهور فقط.
