ازيك يا أمي
انا شوية
وهركب القطار
يا حبيبتي علشان
بتخافي علية من العربيات
لحسن يدخلو في بعض
جاي يا أمي وانتي وحشاني
وأولادي كمان ومراتي
وبيتي واصحابي
نفسي يا أمي
في حلة محاشي
. من ايدك وبطة
متحمرة في شوية زيت
وجبتلك هدية
عيد الام يا ستي
ربنا يجعل يومي
قبل يومك
سلام بقا يا أمي
علشان بجهز شنطتي
وعاوز اوصل لكي بسرعه
علشان ابوس اديكي
ولو القطار اتقلب
يبقة ادعيلي
اصل اسمع ان كل شهر أو اتنين
حادثة في القطار
ساعات بيبقوا دخلو في بعض
قطارين أو واحد خد مسار الغير
وبيموت كل إلا فيه
ولو موت يا أمي هيصرفوليكي تعويض
ابقى هاتي منهم العلاج وسدي منهم
الدين إللي عليكي
وابقى افتكرني متنسنيش
ومتكتريش الحزن في قلبك
عليه
كفاية الا انتي فيها
سلام بقا يا أمي
علشان معاد القطار جه
إزيك يا أمي .. شوية وهركب القطار !
