عمرو الأنصاري يكتب : راح فين زمن عكاشة؟!

بعد مرور نصف السباق الدرامي الرمضاني في مشكلة واضحة في الكتابة للدراما
عناصر الدراما الأخرى صحيح قلت لكن في وجوه موجودة وطالعة بتبشر بالخير وبتقدم مستوى جيد سواء في الإخراج أو في التمثيل
القصور الواضح هو في التأليف والكتابة تحديدا
مافيش مسلسل من 29 مسلسل مصري يوازي ليالي الحلمية أو المال والبنون أو ذئاب الجبل أو الضوء الشارد أو حديث الصباح والمساء أو الراية البيضاء أو أرابيسك أو رأفت الهجانأو غيها من المسلسلات المبدعة التى لا تنسي .
المسلسلات العظيمة دي اتبنت على النص اللي كتبه مؤلفين عظماء بحجم أسامة أنور عكاشة ومحمد جلال عبدالقوي وصالح مرسي وحتى صفاء عامر
وفي تقديري المشكلة أوضح في التأليف من الإخراج والتمثيل بسبب إن الكتابة مش محتاجة موهبة وبس (والمواهب بقت قليلة)لكن محتاجة ثقافة وتجربة حياتية واحتكاك عميق مع الناس وده اللي بينقص الجيل الحالي
تخيل واحد زي أسامة أنور عكاشة بيتفك دلوقتي بورشة من 5مؤلفين وبرضه مش عارفين يجيبوا نص مستواه