أحمد إبراهيم خليل
آه ياعالم الميزان من غير كفة
والشاهد القصف فى غزة والضفة
يعنى إيه بتموت شعب وعايزه يستسلم
من الحصار والسجن صرخ ياما وإتألم
ولما ينتفض ويفوق وشويه منه تدوق
تقول إرهابى يموت من غير مايتكلم
سيبتوا الغاصب ودورتوا على المغصوب
للأسف ميزان العدل باين أوى مقلوب
مهما تزيفوا الحق وتظهروا الباطل
الحق غالب والباطل لامحالة مغلوب
بتمحى ذُلك وضعفك وانكسارك
واجه الرجال لو كنت عايز تارك
مش على الأطفال والنساء تصب نارك
بتضيف للتاريخ كمان خزيك وعارك
مين الإرهابى يا بشر مالكوش مله
مهما تحاولوا وتمكروا هتعيشوا أذله
الحق حتى لو ضعيف لازم ينتصر
والظالم أيام وبفضل الله هينكسر
مهما تهدموا المنازل وتقتلوا الأطفال
هيطلع من الأرض دى مقاتلين أبطال
مبيهبوش الموت ولا يعرفوش الخوف
رجال ولازم تنتصر مهما تكون الظروف
مقالات ذات صلة
