خواطر : نوف العبد الله
من لي غيرك ياحبيبي في دنيتي ان شكى قلبي من يسمعه ويعتني في غيابك تغيب البسمة وتختفي وفي وجودك مافي أثر لدمعتي أحبك ليه ما أدري أخذت من قلبي الاحساس أحسك نبض في قلبي وأشوفك صدق بأحلامي تعال وخذني من دنيا ومن فيها وكل الناس تعال وخلني ألقاك وأشــوفك صدق قدامــي اعشقك بسكات واجاهد غرامك ؟ والسكوت احيان مايوصف شعوري واعرف اوجاعك وحزنك من كلامك والسؤال احيان مايسمح غروري ! ما بين كلمة عساك بخير وشلونك تلقى كلام اعشقك واموت واحيابك تلقاني أقول وأنا اطالع عيونك ليتك تحس الولع والشوق بغيابك ياروح روحي ويا قلبي وغاياتي. اي والله اغليك واذا غبت اهذري بك ان غبت عني عليك اضيق واحاتي وان جيت يمي فرحت وقمت اهلي بك يا أعز من دمعي لعيني، وألذ وأحلى من السكر، ياخطوط الأيام في يديني، يا الطفلة اللي نست تكبر، انا أدري أنك تحبيني، وأنا أحبك بعد أكثر أحبك قالها قلبي قبل لاينطق لساني أحبك عاشت بدمي قبل لاتبصر ايامك أحبك وش كثر ما ادري؟ أحبك مالها اوزاني أحبك ليت تسألها وتغنيها على الهامك أحبك ليتها توصل غلاك وحجم تحناني أحبك كلمةٍ توقف شموخٍ وهيَ قدامك أحبك جات لك تحمل وفا واحساس وجداني أحبك ليت تمنحها الأمان ونشوة احلامك أحبك هي لها معنى أنا وياليت تهواني..
