بدأت قناة on في عرض الجزء الثاني من حلقة النجم أحمد سعد في برنامج “معكم” مع الإعلامية منى الشاذلي.
ويظهر أحمد سعد في الجزء الثاني من الحلقة بصحبة لابنته لأول مرة على الشاشة.
وفي الجزء الأول من الحلقة، أوضح أحمد سعد أن أغنية “سايرينا”، شكلت نقطة تحول مهمة في مسيرته الفنية، إذ خرج من خلالها من إطار الأداء التقليدي الذي اعتاد عليه إلى أسلوب جديد أكثر مرونة.
وأوضح أحمد سعد: “الأغنية دي من أول الأغاني اللي حصل لي فيها التطور في حياتي، أنا طول عمري كنت بغني بشكل معين مرتبط بالطرب، لحد لما جتني أغنية “سايرينا” من صديقي الملحن إيهاب عبد الواحد، وكلمات منة عدلي القيعي، حسيت إن في حاجة مختلفة”.
وأكد أحمد سعد أنه أثناء تسجيل الأغنية دخل في نقاش مع الملحن: “رحت أسجلها بطريقتي، بقالي سنين بغني بنفس الأسلوب وبنفس القوة، لكن إيهاب قالي لأ، لازم أقولك تغني إزاي، في البداية حسيت إن في شد بيننا، وهو قالي أعمل اللي أنت عايزه، لكن لما سمعت نفسي، في اللحظة دي اتغيرت حياتي والله العظيم.. بصيت للأغنية وقولت طب ما أنا هو أنا، ليه متسمعش صوت من براك يخليك تغني بشكل مختلف، فقلت له امسح كل اللي غنيته ده وقولي أغني إزاي”.
